Kjo Politikë e Privatësisë mbështetet tërësisht në Ligjin nr. 06/L-082 për mbrojtjen e të dhënave personale.

KosGo (në vijim: "Platforma", "ne" ose "Kontrolluesi") vepron si kontrollues i të dhënave personale (data controller) për qëllimet e përpunimit të të dhënave të përshkruara në këtë Politikë të Privatësisë.

Kontrolluesi i të dhënave është përgjegjës për mbledhjen, përdorimin, ruajtjen dhe mbrojtjen e të dhënave tuaja personale në përputhje me ligjin.

1. Qëllimi

Ky njoftim për Privatësi përshkruan mënyrën se si ne mbledhim, përdorim, ruajmë dhe mbrojmë të dhënat tuaja personale kur ju kërkoni, porositni ose përdorni shërbime përmes platformës sonë, qoftë përmes aplikacionit mobil apo faqes sonë të internetit.

Me termin "kërkim i shërbimeve" nënkuptojmë çdo veprim të ndërmarrë nga ana juaj, përfshirë por pa u kufizuar në:

• Kërkimin, porositjen apo pranimin e shërbimeve të transportit (rides) përmes platformës;
• Çdo ndërveprim tjetër me funksionalitetet e aplikacionit që lidhen me ofrimin e shërbimeve tona.

Ne mbledhim dhe përpunojmë vetëm ato të dhëna që janë të domosdoshme për funksionimin e platformës, ofrimin e shërbimeve, garantimin e sigurisë dhe përmbushjen e obligimeve tona ligjore.

2. Të Dhënat Personale që Mbledhim

2.1. Të dhënat e llogarisë

Kur krijoni ose përditësoni llogarinë tuaj, ne mund të mbledhim:

• Emrin dhe mbiemrin;
• Adresën e banimit;
• Datëlindjen;
• Adresën e email-it;
• Numrin e telefonit;
• Emrin e përdoruesit (username) dhe fjalëkalimin;
• Metodat e pagesës (kartelë bankare ose metoda të tjera);
• Fotografinë e profilit (nëse vendosni ta ngarkoni vullnetarisht).

2.2. Verifikimi i identitetit

Për siguri dhe parandalim mashtrimesh, mund të kërkojmë:

• Dokument identifikimi (letërnjoftim, pasaportë ose dokument tjetër i vlefshëm);
• Fotografi (selfie) për krahasim me dokumentin e identifikimit.

2.3. Përmbajtja e krijuar nga përdoruesi

• Vlerësime (ratings) dhe komente (feedback) mbi shoferët dhe shërbimet;
• Përgjigje në anketa dhe pyetësorë;
• Çdo informacion tjetër që ndani vullnetarisht.

Mbrojtja e të miturve

Platforma nuk mbledh të dhëna nga persona nën moshën 18 vjeç pa miratimin e prindit ose kujdestarit ligjor. Nëse konstatojmë të dhëna nga të mitur pa autorizim, i fshijmë ato menjëherë.

3. Të Dhënat Gjatë Përdorimit të Platformës

3.1. Të dhënat e lokacionit

Bazuar në pëlqimin tuaj, ne mund të mbledhim:

• Lokacion të përafërt (approximate location);
• Lokacion të saktë (precise location), nëse jepni pëlqimin përmes cilësimeve të pajisjes.

Mund ta përdorni platformën edhe pa lokacion të saktë, por kjo mund të ndikojë në saktësinë e shërbimit.

3.2. Të dhënat e udhëtimit / porosisë

• Data dhe koha e kërkesës;
• Adresa e nisjes (pickup) dhe destinacioni (drop-off);
• Distanca e përshkuar;
• Informacioni mbi pagesën dhe metodën e pagesës;
• Udhëzime të veçanta;
• Statistika të nxjerra nga përdorimi i mëparshëm.

3.3. Të dhënat e komunikimit

• Komunikimet me shërbimin e mbështetjes ndaj klientit;
• Komunikimet ndërmjet jush dhe shoferëve përmes aplikacionit;
• Çdo kërkesë, pyetje apo informacion tjetër që na dërgoni.

4. Qëllimi i Përpunimit

4.1. Operimi i platformës

• Mundësimi i kërkesave dhe pranimit të shërbimeve të transportit;
• Përputhja e pasagjerëve me shoferët;
• Përpunimi i pagesave dhe llogaritja e tarifave;
• Mbajtja e regjistrave të udhëtimeve;
• Administrimi i llogarive të përdoruesve.

4.2. Siguria dhe pajtueshmëria

• Verifikimi i identitetit të përdoruesve dhe shoferëve;
• Parandalimi i mashtrimeve dhe abuzimeve;
• Mbështetja ndaj klientëve dhe zgjidhja e mosmarrëveshjeve;
• Zbatimi i Kushteve dhe Termave të Përdorimit.

4.3. Lokacioni

• Identifikimi i pikës së marrjes dhe destinacionit;
• Llogaritja e tarifave sipas distancës;
• Optimizimi i rrugës;
• Rritja e sigurisë gjatë udhëtimit.

4.4. Komunikimi me përdoruesit

• Njoftimet dhe përditësimet mbi shërbimin;
• Ndryshimet në platformë, politika ose kushtet e përdorimit;
• Përgjigjet ndaj kërkesave dhe ankesave tuaja.

4.5. Analiza dhe përmirësimi i shërbimeve

Ne mund të përdorim të dhëna të agreguara dhe/ose të anonimizuara për qëllime analitike dhe zhvillim të biznesit. Të dhënat e tilla nuk identifikojnë drejtpërdrejt individë.

5. Baza Ligjore e Përpunimit

Ne përpunojmë të dhënat personale sipas Ligjit nr. 06/L-082, bazuar në:

• Ekzekutimin e kontratës ndërmjet jush dhe Platformës;
• Përmbushjen e detyrimeve ligjore;
• Interesat legjitime të Platformës (siguria, parandalimi i mashtrimeve);
• Pëlqimin tuaj, kur kërkohet (p.sh. lokacioni i saktë, cookies jo-esenciale).

6. Ndarja e të Dhënave Personale

6.1. Ndërmjet pasagjerëve dhe shoferëve

Për koordinimin e shërbimit, mund të ndahen: emri, vlerësimi, lokacioni dhe komunikimi i kufizuar përmes aplikacionit.

6.2. Ofruesit e shërbimeve (Data Processors)

Ne mund të ndajmë të dhëna me palë të treta si:

• Ofrues të shërbimeve IT;
• Ofrues të shërbimeve të pagesave;
• Ofrues të analizave dhe mbështetjes ndaj klientit.

Të gjithë janë të detyruar kontraktualisht të garantojnë konfidencialitetin dhe të dhënat vetëm sipas udhëzimeve tona.

6.3. Transferimi ndërkombëtar i të dhënave

Të dhënat mund të përpunohen jashtë Kosovës vetëm me masa të përshtatshme mbrojtëse (marrëveshje kontraktuale, klauzo standarde) sipas legjislacionit në fuqi.

7. Ruajtja e të Dhënave

Ruajmë të dhënat personale vetëm për aq kohë sa është e nevojshme, duke marrë parasysh:

• Kohëzgjatjen e marrëdhënies kontraktuale;
• Nevojën për mbrojtje dhe ushtrim të të drejtave ligjore;
• Kërkesat e legjislacionit (tatimi, kontabiliteti, licencimi);
• Parandalimin e mashtrimeve dhe abuzimeve.

Pas skadimit të periudhës, të dhënat fshihen në mënyrë të sigurt ose anonimizohen.

8. Siguria e të Dhënave

Ne zbatojmë masa teknike dhe organizative, duke përfshirë:

• Enkriptimin gjatë transmetimit (encryption in transit);
• Serverë të sigurt dhe infrastrukturë të mbrojtur;
• Kontroll të kufizuar të qasjes (vetëm personeli i autorizuar);
• Mekanizma autentikimi dhe verifikimi;
• Detyrime të brendshme për konfidencialitet;
• Vlerësime dhe auditime periodike të sigurisë.

Në rast shkeljeje të sigurisë (data breach) që prek të dhënat tuaja, do të njoftojmë autoritetet kompetente dhe, kur kërkohet, edhe ju personalisht, sipas detyrimeve ligjore.

9. Cookies dhe Teknologjitë e Gjurmimit

Platforma mund të përdorë cookies për përmirësimin e përvojës, analiza dhe optimizim. Llojet e cookies:

• Cookies të domosdoshme për funksionimin teknik;
• Cookies analitike;
• Cookies funksionale (ruajtja e preferencave);
• Cookies për marketing (vetëm me pëlqimin tuaj).

Cookies jo-esenciale bazohen në pëlqimin tuaj, i cili mund të tërhiqet në çdo kohë. Platforma përdor mekanizëm cookie consent (banner).

10. Vendimmarrja e Automatizuar

Platforma mund të përdorë sisteme të automatizuara për:

• Përputhjen e pasagjerëve me shoferët;
• Llogaritjen e tarifave;
• Vlerësimin e indikatorëve të rrezikut;
• Identifikimin e aktiviteteve mashtruese.

Kur vendimmarrja automatike mund të ketë ndikim të rëndësishëm, ju keni të drejtë të kërkoni ndërhyrje njerëzore, të shprehni qëndrimin dhe të kundërshtoni vendimin.

11. Ndryshimet në Politikën e Privatësisë

Ne rezervojmë të drejtën të ndryshojmë këtë Politikë herë pas here. Për ndryshime materiale do t'ju njoftojmë përmes email-it të regjistruar dhe/ose njoftimeve brenda platformës. Përdorimi i vazhdueshëm pas ndryshimeve konsiderohet pranim i versionit të ri.

12. Të Drejtat Tuaja

Në bazë të Ligjit nr. 06/L-082 dhe legjislacionit ndërkombëtar për mbrojtjen e të dhënave, ju gëzoni të drejtat e mëposhtme:

Për të ushtruar cilëndo nga këto të drejta, na kontaktoni në info@kos-go.com. Do t'ju përgjigjemi brenda 30 ditëve.

Na Kontaktoni

Për pyetje, kërkesa ose shqetësime lidhur me këtë Politikë ose të dhënat tuaja personale: